“We found him, Sir,” bungad ng empleyado ni Sky pagkasagot niya sa telepono.
“Sino?”
“Si Rhoda po, Sir."
Saglit na tumahimik si Sky. Pinag-isipan niya muna kung anong mas magandang gawin. "Asan siya? Sige, ako kakausap sa kaniya.”
Maraming impormasyon ang binabanggit ng empleyado. Tango lamang siya nang tango.
Nang sumakay si Vela sa kotse ay mabilis niyang binanggit dito ang nangyari.
“Sige, sasamahan kita.” Ini-lock na nito ang seatbelt nito.
“Sigurado ka? Malayo iyon. Baka ma-late tayo sa party ni Tita.”
Ikinaway nito ang kanang kamay. “It’s okay. Hindi naman talaga ako mahilig sa party. At least ngayon meron na akong valid reason ‘pag na-late ako nang dating.”
“Gagamitin mo pa ako ah.”
“Isipin mo na lang na tinutulungan mo ang isang kaibigan na huwag magsinungaling.”
Nabiti
