Hindi mapakali si Sky sa nangyari. Aaminin niyang naging estupido siya sa pagkakataong iyon. Malaking kasalanan na hinusgahan niya si Vela na siya palang mismong nagligtas pa sa kapatid sa kapahamakan.
Tinawagan na niya si Tristan at sabi nga nito ay hindi siya dapat dito manghingi ng tawad kundi kay Vela mismo. Ayon pa nga kay Tristan, magkabati lang sila ay ayos na rito. Pero may bilin ito, sana daw ay magkabati sila bago ang engagement party. At sa susunod na araw na 'yun. Paano naman niya gagawin 'yun ngayong hindi nga siya gusto makita ni Vela?
Pinuntahan niya ito sa Lil Trix at pinaharang lang siya sa mga tauhan nito. Ngayon nga ay nasa labas siya ng bar dahil hinila siya palabas ng mga guards doon.
Nagpalakad-lakad siya sa harapan ng bar habang nag-iisip. Kaylangan niya makipag-a
