Chapter 36 : Ang higanting ahas
Pagkatapos mag-almusal nila Sekani ay tumungo na agad sila sa Silangan. Pagdating nila roon ay iisa lang din ang reaksyon ng mga mukha nila Red Girl at Anim. Nakanganga sila habang tinitignan ang mga bungo at kalansay ng tao na nagkalat doon.
“Nakakatakot. Mukhang mahihirapan ata tayo sa halimaw na kalaban natin dito.” Nakangiwi ang mukha ni Anim habang nakakapit sa braso ni Sekani.
“Tila tinubuan na rin ako ng takot ngayon. Sobrang init pa rito. Puro buhangin lang ang mayroon. Wala manlang tayong matataguan o maakyatan para makapagtago sa kung anong halimaw ang mayroon dito,” sabi ni Red Girl na nakakunot ang noo.
“Bumalik na lang kaya kayo ni Anim sa kubo natin. Ako na lang ang lalaban dito. Delikado rin kasi. Mukhang hindi na basta-basta ang makakal
