Chapter 57 : Ang pagkapoot ni Reyna Avilako sa traydor sa Killen Town
Masaya si Reyna Avilako dahil ilang araw na lang ang hihintayin ay magpupula na ang buwan. Bukas din ay balak na niyang takutin si Sekani para mapasuko nito ang kapangyarihan sa kaniya. Hindi pa man handa ang anak niya ay wala na siyang pakialam. Ang mahalaga ay mapasa-kamay na nila ang malalakas na kapangyarihan ni Prinsipe Sekani.
“Maari ko ho ba kayong maistorbo, mahal na reyna?” tanong ni Limango nang lapitan niya ito sa hapagkainan.
“Kung pangit na balita ‘yan ay huwag mo na munang sabihin at maganda ang mood ko ngayon,” sagot nito kaya nakita niyang napakunot ang noo ni Limango.
“Kung ganoon po ay mamaya na lang,” sabi nito at saka nagpaalam na rin agad.
Kilalang-kilala na ito ni Reyna Avilako. Alam niyang
