Hindi kami pumasok ng office si Craig ngayon. Tanghali na din kami gumising dahil may meeting siya kagabi na inabot na ng dis oras.
Naghahanda na ako ng agahan namin. Kanina pa kumakalam ang aking tiyan dahil sa gutom. Gigisingin ko na din siya mamaya, pagkatapos maluto nitong ulam.
"Ay—Craig!" Nagulat ako dahil sa biglang pagyakap niya sa akin mula sa aking likuran.
Hinalik-halikan niya ang aking leeg.
"Ikaw talaga..."
"Dapat natulog ka pa," sabi niya. "Um-order na lang sana tayo ng pagkain."
"Gutom na ako, e. Saka ang dami nating pagkain dito, bakit pa o-order? Ayaw mo sa luto ko, no?"
"Ano'ng ayaw? Di ba, sabi ko sa'yo, gustong-gusto ko ang luto mo. Nainis ako sa'yo dahil pinakain mo kay Mommy iyong baon natin."
"Ikaw kasi... Masyado kang maarte."
Hinalikan niya ang aking b
