Umuwi na muna ako sa amin dahil ang sabi sa tindahan ay may sakit daw ang Inay.
Mabuti na lang talaga at mabait ang mga amo ko. Nagbigay pa ng mga pagkain si Ate Rose. Binigay na din niya ang isang buwang sahod ko. Hindi ko inaasahan na ganoon kalaki ang sahod ko bilang katulong nila.
Ang sabi niya ay huwag muna akong babalik hangga't hindi gumagaling si Inay.
Nadatnan ko si Inay sa puwesto. May lagnat pero nagtitinda pa din. Napagsabihan ko pa nga dahil nagpapahinga siya dapat.
"Ayos lang ako, ano ka ba?"
Sabagay. Parang hindi din naman siya makakapagpahinga ng maayos sa bahay lalo at mainit.
"Kumain na po muna kayo." Nilabas ko iyong mga tirang pagkain na kinuha ko sa ref nina Ate. Ako lang kasi ang kakain ng mga iyon at ayaw ko namang masira lang doon. Malas ang nagsasayang n
