October 08, XXXX (Day 15)
4 A.M. palang ay gising na ako. Naligo na ako at pagkatapos ay nagsuot ng preskong damit. Simple blouse and short pero hindi 'yung short na short. Ayokong mapagkamalang malandi o ano man tawag ng mga tao sa mga babaeng nagsusuot ng maiikling short.
"May pupuntahan ka ba Ma'am Yuuki?" bungad na tanong sa akin ni Ate Amy pagkalabas ko ng pinto ng kuwarto ko. Nandoon kasi siya naglilinis sa tapat ng kuwarto namin ni Halimaw.
Paano ko nga pala iiwasan si halimaw? Kung nakatira kami sa iisang bahay tapos magkatabi pa kami ng kuwarto. At higit sa lahat, may kontrata ako na dapat gawin. 'Yun ay ang turuan magmahal at magpahalaga sa mga taong nakapaligid sa kaniya.
"Ah, eh, opo, mamamasyal lang po ako." sabi ko habang inaayos ko ang sarili ko.
"Ah, ganon ba, mag-
