October 09, XXXX (Day 16)
'Yung pakiramdam na ang ganda ng gising ko ngayong umaga. Ikaw ba naman na makita mo ulit ang pamilya mo. Kahit na hindi kami magkadugo ay sila pa rin ang pinaka mahalagang tao sa buhay ko.
"Ma'am Yuuki, may taga pagluto na po tayo. Bakit ninyo pa 'yan ginagawa?" tarantang nilapitan ako ni Ate Amy na kararating lang ng kusina. Naabutan niya ako na busy sa pagluluto.
"Maliit lang po ito na bagay at gusto kong magpasalamat kay Tita Thallia." masayang sabi ko habang naghihiwa ng mga rekado para sa lulutuin kong Menudo at Caldereta. Alam kong pang Lunch at Dinner na yata ang niluluto ko dahil breakfast time palang naman.
"Ikaw talaga, Ma'am Yuuki." pagsuko niya agad.
"Ate Amy naman, eh, tawagin ninyo nalang po akong Yuuki. Huwag na 'yung Ma'am dahil nagmum
