October 14, XXXX (Day 21)
"Huh?"
Napatingin ako sa bagay na nasa side table, kanina wala pa 'yon bago ako pumasok ng C.R. ngayon may nakalagay na doon.
"Baka si Ate Amy ang nagdala nito dito, pero hindi naman na kailangan eh. Kahit may sakit ako hindi naman ako lumpo at baldado para gawin ang mga bagay-bagay." napaupo ako sa kama habang nagpupunas ng mukha. Balak ko sanang maligo noong una pero dahil masama pa rin ang pakiramdam ko ay nag-half bath muna ako.
Tamang-tama nagugutom na rin ako sakto may gamot pang nilagay si Ate Amy.
"Anong pagkain ba ito? Ang sama ng lasa." sabi ko matapos kainin ang pagkain na nasa side table.
Baka epekto lang ito ng sakit ko. Kapag may sakit naman natural lang maging mapait ang panlasa mo. Pero ang pagkain na ito, mapait na maalat pa na medyo ma
