Maia’s POV
Isang magarang sobre ang iniabot sa akin ng isang staff sa simbahan, habang nag-aalmusal ako kaninang umaga. Ang ganda ng disenyo ng imbitasyon—may mga ukit ng bulaklak na parang niyog, at kulay pastel ang kabuuan nito. Nakalagay ang pangalan ko sa labas, “Para kay Maia,” na may calligraphy na sobrang elegante. Nang buksan ko, halos mapatalon ako sa tuwa.
Ako ay inimbitahan sa darating na Santa Cruzan dito sa bayan ng Lucinda. Hindi ito basta Santa Cruzan—lahat ng magagandang dalaga at sikat sa Lucinda ay kasali. Pati sa mga ganitong event nasasali na ako. Siguro ay dahil talagang kilala na ako dahil sa pagiging beauty vlogger.
Ang sagala ay sa Linggo na, kaya alam kong kailangang maghanda agad.
Pagkatapos kong mag-almusal, agad kong inaya si Maeve. Mukha namang walang la
