"Mahal, may tao yata. May kumakatok sa pintuan, pagbuksan mo nga sandali at may ginagawa ako." Utos ng ginang sa kaniyang asawa na kasalukuyan namang nanunuod ng paborito niyang teleserye sa telebisyon.
Tumingin muna siya sa wall clock nila bago ito tumayo sa kinauupuan niya.
"Aba! mag-aalas otso na pala (ng gabi), bakit hindi pa rin umuuwi ang anak mo? nagsabi ba siya sa'yo na doon muna siya matutulog ngayong gabi sa lola niya?" tanong niya habang naglalakad siya patungo sa pintuan.
"Wala naman siyang sinabi sa akin, tignan mo nga at baka siya na iyan." Ang tinugon nito sa kaniya. Mabilis naman niyang pinihit pabukas ang pintuan at tila biglang naglaho ang guhit ng ngiti sa kaniyang labi nang bumungad sa harapan niya ang hindi inaasahang bisita.
"Magandang gabi po, Tito." Bati ni Matt
