"Mahal, may kumakatok sa pintuan. Pagbuksan mo nga sandali at baka masunog na itong niluluto ko." Sandali naman tumayo ang asawa nito at nagtungo sa tapat ng pintuan. Pagkabukas niya ng pintuan ay tumambad kaagad sa kaniya ang anak nitong si Furi.
"Oh? Furi, anak. Buti napasyal ka yata? sinong kasama mo? nasaan si Matt?" tanong ng kaniyang ama na may guhit ng ngiti sa labi niya.
"Mahal, sino ba yung-" naputol naman ang sinasabi ng ginang, nang lumapit siya sa asawa niya at napagtantong si Furi pala ang kanina pang kumakatok sa tapat ng pintuan nila.
"Anak!" ani ng kaniyang ina habang pinagmamasdan siya nito mula ulo hanggang paa. Napansin niyang may mga bitbit itong bagahe at matamlay ang kaniyang mukha. Tila nakutuban na kaagad ng ginang ang dahilan ng pagpunta roon ng kanilang anak. K
