Sobrang nashock ako ng pagtawag sa akin ni Tita. Nilapitan ko siya kaagad at dinala sa loob ng banyo. Nagtataka naman si Tatay sa aking ginagawa.
"Makinig ka sa akin 'Tay, huwag mong sabihin kay Nathan ang mga nakita at narinig mo ha," sabi ko.
"Ano bakit? Ano ba ang nangyayari anak? Bakit parang balisa ka?!" sabi ni Tatay.
"Basta 'Tay, huwag mo pong sabihin sa kanya." Parang nakalimutan ko na may sama ng loob ako kay Tatay dahil sa sobrang excited ko. Dinala ko si Tita sa may loob ng banyo.
"Tita, tinatawag mo po ako?!" sabi ko. Nakakapanibago lang sahil ang tagal na niyang hindi nakapag salita at pati pangalan ko ay halos hindi niya nabanggit.
"A-ano ang nangyari sa akin?!" Tiningnan nito ang kanyang suot. "Bakit pang princess ang damit ko?!" nagtataka pa nitong tanong. Hinawakan ko
