KABANATA 9
“I don’t care if you think what we have is wrong because all I know is that I love him and only him. Huwag po kayong mag-alala, kahit anong mangyari, poprotektahan ko siya…”
Naglayag ang kaisipan ni Jian sa nakaraan. Habang tanaw niya sa labas ng bus ang kanilang mga dinaraanan, hindi niya mapigilang isipin ang araw na iyon kung saan ay magkasama at magkahawak-kamay silang humarap sa kaniyang mga magulang. Hindi naman lingid sa mga magulang niya ang kaniyang kasarian, hindi lang nila akalain na may magmamahal sa kaniya na kagaya ni Felix. Maging din naman siya dahil nga straight si Felix at galing pa sa may pangalang pamilya. Pero nilaban siya nito. Maging sa mga magulang nito ay nilaban nito ang relasiyon nila.
“Sigurado ka ba riyan, Jian?” ang nag-aalalang tanon
