YUAN'S POV:
KAPWA kami tahimik ni Naya habang magkayakap dito sa balcony ng silid. Pagkatapos naming kumain kanina, sinamahan ko ito dito sa balcony para makalanghap ng sariwang hangin. Hanggang ngayon kasi ay hindi pa nagkakamalay si nanay. At wala pang nasasabi ang doctor niya kung kailan ito magigising.
Dama kong malalim ang iniisip ni Naya. Marahil ay tungkol sa napag-usapan naming dalawa kanina. Ang sabi nito, kung sakali at hindi ako si Rohan, dito na magtatapos ang relasyon naming dalawa. Mahal niya ako dahil dama niyang ako ang asawa niya. Pero kung hindi naman talaga ako ang asawa niya, wala daw rason para magpatuloy ang namamagitan sa aming dalawa.
Masakit sa akin na marinig ang bagay na iyon mula sa kanya. Dahil kapag hindi nga ako si Rohan, ibig sabihin ay aalis na siya di
