Lumagpas ang tingin ni Jared sa likod ko. Narinig ko ang yabag ni Paula palapit sa amin dahil sa takong ng kanyang sapatos. And now, she’s holding Jared’s arm. Nakangiti rin siyang bumaling sa akin matapos matamis na ngumiti sa kanyang fiancee.
Kitang kita sa mga mata ni Paula kung gaano niya kamahal ang lalaking kanyang kaharap. Ang lalaking unang naging akin.
“Anything wrong?” takang tanong niya kahit mababakas pa rin ang ngiti sa labi. “Love?” untag pa niya kay Jared.
Pero bakit parang may kakaiba sa kanyang mga mata? Hindi ko mawari kung ano iyon. Pero naroon sa loob ko ang pakiramdam na hindi ko dapat siya pagkatiwalaan.
“W-wala naman,” sagot ko. “Excuse me.”
“Wait!” tawag ni Paula.
Napapikit ako at naikuyom ko na lang ang aking mga kamao. I took a deep breath and faced them wit
