HALOS DALAWANG ORAS din silang nandoon sa kainan na iyon. Medyo matagal kasi ang servings dahil marami ang customer. Akala nga ni Astrid, mahihimatay na siya sa gutom. At siyempre kumain sila at nagkwentuhan pa. Aaminin ni Astrid na masarap ang mga inorder ni Niccolo at ayon sa babaeng nagserved sakanila ay best seller ng mga ito ang pinili ng binata. Nasarapan din siya sa budbod. First time niyang makakain nito.
Bumibiyahe na sila pabalik, pero alam niyang nasa Tanay Rizal pa rin sila. Alas-sinco pasado na at nagsisimula nang dumilim. Nagulat sila bigla sa pagbuhos ng napakalakas na ulan. Tila galit na galit ang langit sa pag-ulan.
Nagsimula na siyang kabahan. "Naku, Niccolo... ang lakas ng ulan."
Napatango si Niccolo. "Oo nga. May bagyo pala talaga. Ikaw kasi kumain pa. Kung hindi ka
