DAHIL SA PAGAAKALA ng mga tao roon na magasawa nga sila ni Astrid ay pinagsama sila nito sa iisang kwarto. Wala naman na silang nagawa roon kesa naman magreklamo pa sila. Isa pa, malaki ang kwarto at hindi naman sila magkatabi matulog. Sa kama ang dalaga, at siya sa lapag, sa banig.
Sa totoo lang, kailanman hindi niya naranasan matulog sa banig o sahig. Lumaki siyang may ginintuang kutsara sa bibig. Iginagalang niya lang si Astrid at pangit tignan kung wala naman silang relasyon at magtatabi.
Anong oras na rin natapos ang party. Sa huling pagkakatanda niya 2am na ng umaga ng natapos ito. Masaya kasi ang mga tao at alive na alive. Si Astrid naman ay hindi niya inakalang lasinggera pala. Naparami ang iniinom nitong alak na hindi nagawang tumanggi sa mga nagalok ditong matanda. Pinatikim di
