NASA KWARTO NA si Astrid at nanonood ng TV nang biglang may kumatok sa pintuan niya.
"Pasok,"
Iniluwa ng pinto si Niccolo. Napaayos naman ng higa si Astrid at hindi ito tinignan. "Oh, bakit nandito ka? Gabing gabi na," sabi na lang niya kunyari pero masama pa rin ang loob niya dito.
Bumuntong hininga ito at lumapit sakaniya. Umupo ito sa gilid ng kama niya at tinignan siya. Hindi tuloy mapakali si Astrid sa presensiya nito.
Nagulat siya ng biglang hawakan nito ang bewang niya. Awtomatikong bumaliko ang katawan niya dahil sa kuryenteng naramdaman niya. "A-Ano ba 'yon?" nauutal niyang tanong dito.
"Alam kong masakit ang balakang mo. Dumapa ka,"
Nanlaki ang mga mata niya at OA na napasinghap. Kipkip ang flat na dibdib. "H-Huh?! Bakit!"
Agad nitong nagets ang reaksyon niya, umirap ito.
