NAMILOG ANG MGA mata ni Astrid sa narinig kay Jace. Gulat na gulat. "H-Huh? Okay ka l-lang? M-Magkapatid kami 'no," utal na sagot niya at tumalikod na para iwan ito.
Naglapat ang mga labi ni Jace sa sinabi ng dalaga at hinawakan nang mariin ang braso nito pahatak sakaniya. Dahil sadyang malakas siya, nagdikit ang katawan nila dahil sa pwersa na 'yon, at kung hindi pa naging maagap ang binata ay malamang nadulas na ang dalaga sa taas ng heels na suot nito.
Napakalapit ng mukha nila sa isa't isa at kaunti na lamang ay magdidikit na ang labi nila. Natitigan ng husto ni Jace ang mukha ng dalaga, napakaganda talaga nito at kung maaring ikulong lamang niya ito sa bisig niya habang-buhay ay gagawin niya.
Samantala, si Astrid naman ay halos hindi makahinga sa lapit ng mukha nila ni Jace. Kailan
