ILANG ARAW ANG lumipas ngunit ganoon pa rin ang sitwasyon nila Astrid at Niccolo. Hindi tanga ang binata para hindi maramdaman ang matinding pag-iwas ng dalaga sakaniya. At nababahala na siya roon. Hindi na siya sanay na hindi sila naguusap. Talking with Astrid became his morning routine and daily habit. At tila nawala ang malaking parteng iyon sa katawan niya.
Maging sa opisina ay napapansin ni Ivan na magulo at laging nasa malalim ang pagiisip niya. Kahit nasa importanteng client meeting sila, tila sabaw siya at wala roon ang utak. Nang minsan namang tanungin siya ng ama kung kamusta ang Hotel ay malayo rin ang naging sagot niya rito. Noong nakaraang araw na bumisita si Dianne sakaniya ay halos wala siyang naintindihan sa sinabi nito at nakaalis na lahat lahat ang babae, pero hindi niya
