BUO NA ANG LOOB NI Astrid. Kakausapin na niya si Niccolo ngayon para sabihin dito ang desisyon niya, mas okay na 'yon, kaysa naman ito pa ang magpaalis sakaniya. Dahil pag ginawa nito 'yon, baka... baka hindi na niya kayanin magpaalam dito at sa papa nito.
Nang tumapat na ang taxi sa harap ng Hotel ay huminga siya nang malalim. "Kaya mo 'to, Astrid. Tapangan mo." pilit niyang pangungumbinsi sa sarili.
Papasok na siya sa entrance ng Hotel nang mapatingin siya sa matangkad na lalaki na kasabay niyang naglalakad patungong entrance. Napakatangkad nito, may balbas at bigote. Nakasuot din ito ng makapal na damit na parang kapa. Nakasuot ito ng shades. Napahinto siya sa paglalakad at napakunot-noo. Saan nga ba niya ito nakita? Familiar na familiar ito sakaniya!
Nagsalita ito sa kasama nitong p
