NAGISING SI OMAN sa hospital. Agad naman siyang inalalayan ng nurse at dumating ang Doctor.
"Kamusta ka na?" masuyong tanong nito.
Hindi malaman ni Oman ang sasabihin. Bakit nandoon siya? "A-Ayos naman po ako. Medyo nahihilo lang po ako, ano po bang nangyari saakin?" nalilitong tanong niya.
Napatango tango ito. "Good. So far din naman nang chineck ka namin, wala namang napinsala sa'yo. Hindi ka nabalian ng buto at hindi ka nasaktan. Ang pagkahimatay mo ay dala ng sobrang pagod at gutom ka. Nasaan pala ang mga magulang mo?"
Nagiwas ng tingin si Oman. Hindi malaman ano ang sasabihin. Mukhang sa isang pribadong Hospital pa siya dinala. Ano ang ipangbabayad nila roon? "Mabuti na lamang at alerto ang driver ng kotse. Bago ka pa masagasaan ay nailiko niya ang sasakyan niya. Tanging galos lam
