PAGKAALIS NI JACE at Astrid, agad na nakiusyuso ang mga customer.
"May pa raffle pala kayo? Bakit hindi kayo naginform? Paano nanalo ang babae?" tanong ng isang customer na nakarinig ng paguusap nila.
Napayuko ang crew. "I'm sorry sir. Pero hindi ho totoo ang pa-raffle. Palabas lamang po iyon ni Mr. Martin. Nasira po kasi ang heels ng girlfriend niya, kaya naisipan niya pong palabasing may pa raffle para makabili ito ng bagong sapatos,"
"Ay, ang sweet namang boyfriend 'nun."
"Oo nga, kainggit!" mga bulong-bulungan ng tao.
~
MABUTI NA LAMANG at swerteng nanalo siya ng gift certificate at katapat lamang ng Hotel ang isang mall. Kaya naman wala pang 30 minutos ay nakabili na sila ni Jace ng bagong sapin sa paa.
Hindi naman sila matagal at saktong magi-istart na ang party nang makabalik
