PALABAS NA SANA si Astrid sa kwarto para bumili ng makakain, pero bago pa niya magawa iyon ay biglang bumukas ang pintuan at ang mga pamilyar na mukha ang bumungad sakaniya.
"Niccolo, s-sino siya...?" Tanong ng lalaking nangangalang Jayden. So si Jayden, ay kunwaring kapatid din pala niya dahil mag half-brother ito at si Niccolo.
Nagulat siya nang kasama rin ng mga ito si Mrs. Martin. At higit sa ikagugulat niya ay kasama ng mga ito si Jace!
Gulat na gulat din ito at mula sa likuran ay sumingit ito para mapagharap sila. "Astrid? Ano'ng ginagawa mo rito?" kunot na kunot na noong tanong ng binata.
Napalunok si Astrid. Hindi malaman kung ano ang sasabihin. Napatingin siya kay Niccolo na ngayon ay nakatayo na rin. "Ah---eh, k-kasi ano---"
"Niccolo, sino siya?" sabay sabay na tanong ng mga
