DUMATING NA ang mga hinihintay na bisita. Dumating ang magasawang Aran, si Lucresia at si Jace. Magkakatabi ang apat sa hapag kainan. Ang ama naman ay nasa gitna at magkatabi sila ni Niccolo.
"Ako'y nagpapasalamat na lahat kayo ay nakapunta rito at binigyan pa ako ng pagkakataon na makasalo sa hapag kainan ang anak kong si Astrid." panimula ni Serafino. Tumingin ito sakanilang lahat. "Bagama't alam kong hindi close ang mga pamilya natin, at maraming alitan, nagpapasalamat ako na pinaunlakan niyo ang imbitasyon ko sa maliit na salo-salo na ito."
Nagsimula silang kumain. Tuwang tuwa si Serafino sa dalaga dahil magana itong kumain at hindi mapili. "Pasensiya kana, Astrid at hindi ko alam kung ano ang paborito mong pagkain. Kaya ipinahanda ko nalang kay Meding ang mga specialty niya. Sana ma
