NAGISING SI NICCOLO na may naaamoy na malangsa at mabaho. Nagkunot ang noo niya at suminghot. Mabaho talaga. Sinubukan niyang gumalaw pero bumungad lang sa mukha niya ang isang malakas na hilik. Agad niyang naidilat ang mata niya. Wala sa sariling napasigaw siya dahil doon. Nasa pagmumukha lang naman niya ang nakangangang bunganga ni Astrid at halos makita na niya ang tonsils nito. Ito rin pala ang naaamoy niyang mabaho dahil bumubuga sa mukha niya ang hininga nito.
Ngayon alam na niya kung bakit nagkakasundo ito at ang kaibigan. Parehas malakas humilik ito at tila ayaw magpatulog at nakanganga pa. Dahil sa ingay na nalikha niya nagising si Astrid at naiinis na kinamot ang tiyan at itinaas pa ang sleeveless na suot.
Agad siyang napatingin kay Dave, padilat dilat ito at muling pipikit kay
