SA LOOB NG KOTSE, wala silang imikang dalawa. Binasag ni Niccolo ang katahimikang 'yon.
"Alam kong galit ka pa saakin, kaya kung ayaw mo pang umuwi sa bahay, ayos lang. Ako na ang bahala sa papa," ani binata.
Saglit ditong napatingin si Astrid at muling itinutok ang paningin sa kalsada. "S-Sige, salamat."
~
CUBAO EXPO
Kanina pa naroroon si Astrid at nilalango ang sarili sa alak. Hindi naman siya dapat magisa. Inimbitahan niya si Dave pero ayon dito, mamaya pa ito mag-o-out sa trabaho.
Naparami na rin ang nainom niyang alak, sabayan pa ng nakakasenti na paligid at mga nagiinuman din doon. Lasing na lasing na siya at umiikot na ang paningin niya ngunit ni anino ni Dave ay hindi niya makita. Sa nanduduling na paningin, kinuha niya ang cellphone at tinawagan ito sa pagaakalang ang kaibig
