"Hindi ka babalik doon, ok? Hindi. Hindi ko hahayaan na mahanap ka niya. Hindi ko hahayaan na makuha ka niyang muli sa akin. So stop crying. I won't let him get you from me, I won't, baby, I won't." Humigpit pa lalo ang hawak ko sa mga balikat ni Josiah habang binibigkas niya ang mga salitang 'yon. Gusto kong lumakas ang loob ko at mawala ang pangamba sa mga sinabi niya, pero sa sobrang takot na meron ako ngayon ay nawawala na ako sa sarili ko.
Bakit hahanapin pa niya ako? Hindi pa ba siya masaya sa buhay niya? Nasaktan na niya ako't lahat-lahat, pero ano pa rin ang gusto ni Matteo at hindi niya ako tinitigilan?! Bakit hindi na lamang niya ako hayaang maging malaya gayong hindi naman niya ako kailangan at sinasaktan niya lamang ako sa puder niya? Ano pa bang nais niya mula sa akin at tala
