“ANONG ginagawa mo dito?’ agad na tanong ni Marlon kay Cristine nang makita niya ito sa tabi ng lawa. Pagkatapos kasi nilang mag-usap sa sala ng pamilya niya ay hinayaan muna siya ng dalaga na makasama ang pamilya niya. Pinapasok na rin kasi ng mga magulang niya sina Mino at Mari kaya naman iniwan na muna sila ni Blaire at ni Cristine.
Hindi agad siya nakakawala sa mga kapatid niya na napakaraming tanong `yung dating tahimik na Mino na nakilala niya noong isang araw naging kasing daldal ni Mari ngayong araw. Kaya ayun halos limang oras siya in-interogate ng dalawa
Halos nanakit yata ang panga niya pagsasalita, madalas na hindi siya mahilig magkwento pero sa tingin na binibigay sa kanya ng mga kapatid hindi niya magawang mapahindi sa mga ito. `Yung mga ganong kadaldal na pagkaka
