────⊱⁜⊰────
Dumating si Marcus sa condo unit ni Sammy. Pinindot na lang nya ang pin code ng unit nito dahil hindi sumasagot si Sammy sa mga katok nila. Bumukas naman ang pintuan at pagpasok pa lang nila Marcus ay amoy na amoy na niya ang alcohol. Sa likuran ni Marcus ay sina Calix, Josh, Diego, Nato, Lyka at Janine. Napapailing na lang sila ng ulo dahil alam nilang lasing na lasing na naman si Sammy.
"Huwag mo ng pag-aksayahan ang babaeng 'yon! Huwag mong sirain ang buhay mo ng dahil lang sa kanya!" galit na ani ni Janine ngunit hindi naman siya nauunawaan ni Sammy dahil langong-lango ito ngayon sa alak.
"Ayan na pala ang mga gamit niya, isakay n'yo na 'yan sa sasakyan at sa Batangas na 'yan magigising." wika ni Marcus kaya lahat sila ay mabilis na nagkilusan.
"Maricris..." ani ni Sam
