Maricris POV
Pagkaalis ni Sammy ay bumalik ako sa living room. Nakatitig lamang sa akin si Dark habang ako ay halos maiyak na. Hindi ako makapaniwala sa mga sinabi niya kanina. Gustuhin ko man siyang kontrahin kanina ay hindi ko na nagawa dahil ang atensyon ko ay na kay Sammy. Ilang araw din siyang hindi nagpakita dito kaya gulat na gulat ako ng makita ko siya kanina. Pero hindi ako natuwa ng marinig ko ang sinabi ni Dark sa kanya.
"Bakit mo ba sinabi 'yon sa kanya? Wala naman tayong napag-uusapan na kahit na ano kaya sana umayos ka Dark." wika ko sa kanya. Naiiyak na ako pero pinipigilan ko lang ang sarili ko dahil ayokong magpakita ng kahinaan.
"Duon din naman ang punta natin hindi ba? Nangako ka na sa akin kaya kailangan mo 'yong tuparin. Baka nakakalimutan mo kung ano ang nagawa ko
