Maricris POV
"Ang sakit sa puso na hindi man lang tayo binigyan ng pagkakataon na magkasama ng matagal. Salamat po tatay dahil iniligtas po ninyo ang buhay ni nanay. Mahal na mahal po namin kayo. Si nanay ay unti-unti na pong gumagaling, nasa pangangalaga po namin siya at may mga doktor na umaasikaso sa kanya dahil sa mga trauma na naranasan niya sa buhay. Salamat po dahil kahit hindi ko kayo nakasama ay prinotektahan pa rin po ninyo ako laban sa Benavidez na 'yon. Buhay pa po siya dahil si nanay ang maniningil sa kanya. Salamat po tatay at hinding-hindi ko po kayo makakalimutan. Paalam tatay, kahit wala ka na ay mananatili ka sa puso namin ni nanay," wika ko habang nakaharap ako sa puntod ng aking ama.
Limang araw na mula ng mangyari ang pagsugod sa hacienda ni Benavidez. Kinaumagahan n
