تاني يوم الصبح صحي الشيخ رجب وكلم حور عشان يتطمن عليها لأن حكايتها كانت شغلاه طول الليل وبالفعل وصلت و طب منها انها تقعد وتكمل حكايتها
كلمت اياد عشان اطمئن عليه واشوفه عامل ايه دلوقتي .. ودراعه عامل ايه لقيت مدام ساره بترد عليا وبتقول لي : خير يا حور في ايه ..
حور : انا كنت باكلم اياد عشان عاوزه اطمن عليه واشوفه عامل ايه دلوقتي ..
ساره : اياد كويس الحمد لله . بعد اذنك يا حور انا كنت عاوز اتكلم معاكي في موضوع كده ..
حور : خير يا مدام ساره ..
ساره : دلوقتي يا حور انتي بقى لك حياتك ورجعت لباباكي الحمد لله .. وبقيتي كويسه واحنا كمان بقى لنا حياتنا يا ريت تبعدي عن اياد لو سمحت عشان احنا مش عاوزين مشاكل .. ما تزعليش من كلامي بس انا بجد خايفه عليه جدا ..
حور : انا عارفه اني جبت لكم مشاكل كثير يا مدام ساره .. بس مش معنى كده انك تقولي لي ابعد عنكم .. انا والله ما كنتش اقصد اي حاجه وحشه في
