الشيخ رجب: والدك رد عليكي ولا لا
حور: رد عليا وخذلني ورفض انه يتكلم معايا اصلا وطلعت لخالتي وانا عماله اعيط.
خالتي اعتماد : انتي يا بت في حاجه مخبياها عليا ومش راضيه تقوليها .. انتي ما لك يا بت فيكي ايه .. وايه اللي مغيرك بالطريقه دي .. احكي لي وقولي لي اكيد موضوع عمتك مضايقك صح ..
حور : مضايقني جدا .. ما كنتش متوقعه انها تعمل معي كده خصوصا انها ما شاف*نيش قبل كده .. المفروض تاخذني في حضنها انا بنت اخوها يعني زي بنتها ..
اعتماد : طب يلا حطي الاكل معايا عشان الواد طارق زمانه طالع .. ومش عاوزين منه مشاكل وقله ادب .. دخلت المطبخ احط الاكل مع خالتي وطارق ابنها جه وقعد يزعق لنا كالعاده .. ويقول لنا : انتم كل ده بتعملوا الاكل .. مش انا قائل لك يا ماما اني جاي من بدري .. انتي كنتي فين انتي والبت دي ..
اعتماد : كنا في مشوار كده يا طارق الاكل جاهز واحنا بنحطه .. روح غير هدومك ودقيقتين هتلاقي ا
