عائلة الشيخ رجب

الإنسان الشيطان

الشيخ رجب: بيقولك ايه الشيطان ده

حور : لقيته بيقولي:

الناس في المنطقه كلهم عارفين انك بنت خالتي وعايشه معانا .. انتي عاوزه اصحابي ياكلوا وشي ..

حور : ياكلوا وشك في ايه بس يا طارق .. ده انا باشتغل هو انا يعني راحه اسهر في كباريه ..

طارق : هو ده اللي ناقص انك تسهري في كباريه عشان اقتلك وادفنك بالحياه .. بصي بقى يا بنت الناس من النهارده ما فيش شغل والشارع ده مش هتشوفيه عشان انا ملاحظ انك من ساعه ما رحتي الشغل وانتي ما حدش قادر عليكي وبتتكلمي بالقوه دلوقتي ..

حور : على فكره انا بس عملت كده عشان ما تبقاش متضايق مني .. لكن انا هانزل اشتغل غصب عنك ومش انت اللي هتقول لي اشتغل ولا لا .. بتخاف عليا قوي وبتقول هخلي منظرك قدام الناس وحش .. طب خاف على نفسك وبطل الهباب اللي انت بتشربه وبعد كده ابقى اتكلم .. مش انا اللي تتكلم معايا بالطريقه دي .. انا باقول لك اهو وانا حره بقى اعمل اللي انا عاوزاه ..