عائلة الشيخ رجب

بداية جديده

الشيخ رجب استغرب جدا ازاي حور وافقت بعد الي عمله فيها انها تتكلم معاه .

طلعت على فوق وانا مش فاهمه اي حاجه خالص .. ولا عارفه هو عاوز ياخذني على فوق اعمل ايه .. لكن قلت اخليني معاه للاخر عشان ما يحصلش مشكله زي المره اللي فاتت .. ويقول لي انتي ما بتسمعيش كلامي .. اول ما دخلت من باب الشقه خالتي قالت لي : في ايه يا حور رجعتي ثاني ليه .. مش كنتي نازله عشان تروحي الشغل ..

حور : رجعت ثاني عشان طارق قال لي اطلع على فوق .. عشان عاوزني في موضوع .. وانا مش فاهمه في ايه . ومدام ساره مستنياني في المحل .. انا مش عارفه اعمل ايه يا خالتي . اتكلمي معاه وخليه يسيبني امشي بقى ..

اعتماد : دلوقتي يطلع ويقول لنا ايه اللي حصل .. طلع طارق ورايا واول ما دخل من باب الشقه قال لنا : كويس انه كلكم هنا عشان انا عاوز افاتحكم في موضوع مهم ..

اعتماد : موضوع ايه يا طارق .. وطلعت حور ليه مش انت عارف انها راحه الشغل ..