في اللحظه دي قام الشيخ رجب من مكانه وقال لحور: اتكلمي يا بنتي عمل فيكي ليه الشيطان ده وعرف ساعتها ان هو حاول انه يعتدي عليها
حور: ما كانش عندي الجرأه اني اواجه خالتي ولا اواجهه ثاني يوم الصبح قمت من النوم لقيت خالتي صاحيه وانا في الاوضه لوحدي ولقيتها بتقول لي : في ايه يا بنت يا حور ايه النوم ده كله هو انت ما نمتيش بقى لك قد ايه ... حور : معلش يا خالتي اصلي تعبانه قوي نمت وانا مش حاسه بنفسي خالص ... اعتماد : يا بنتي ولا يهمك انت والله صعبانه علي البهدله اللي انت فيها دي ما اعرفش امك عملت ليه في نفسها كده ... حور : هو انت يا خالتي ما تعرفيش توصليني ببابا خالص : اعتماد هاوصلك بابوك ازاي كانت امك عرفت حتى انها توصل له ... حور طب وديني عند حد من اهل ابويا وانا هاسال عليه هناك .... اعتماد : خليكي قاعده معايا اد*كي مونسانا هو وبترعيني انا ست كبيره وما بقتش اقدر اقف كثير ..... كانت بتقول لي كده
