GABBIE
Maaga pa lang ay gising na kami at naghanda na kami para pumunta sa racing track. Nakahanda na ang lahat at suot ko na rin ang gear ko. Wala pang gaanong tao dito kaya naman tumambay na muna kami. Nagsuot ako ng mask dahil ayaw ko na may nakakakilala sa akin dito. Lalo pa kumalat ang pagmumukha ko sa internet. Paano ba naman kasi dahil sa asawa ko na panay ang PDA sa akin.
Kahit saan na lang kami ay bigla na lang niya ako hahalikan. Tapos ihahalik niya sa iba ang nguso niya. Kung puwede lang talaga na putulin ko ang makasalanan niyang nguso ay ginawa ko na.
“Ang daming pogi,” sabi ni Ethan na tuwang-tuwa na ngayon sa nakikita ng mga mata niya.
“Kaya ka lang yata pumunta dito para d’yan,” sabi ko sa kanya.
“Hindi ah, lalaban rin ako at syempre support na rin sa ‘yo,” sabi niya
