Chapter 98
Aether's POV
Sa patuloy na paglalim ng sisid namin ay dinagdagan ko pa ang nakabukas na exterior lights. Tinodo ko na rin ang bukas ko sa headlights nang sa ganu'n ay mas maging malinaw pa ang tanaw ko sa dinaraanan namin. Base na rin sa radar ko ay may kalayuan pa kami at malayo-layo pa ang kailangan naming sisirin. Wala na kaming iba pa na nakikita sa labas nitong submersible kundi ang mga parte ng dagat na nahahagip lamang ng exterior lights. Wala na kahit na anumang liwanag ang nanggagaling sa taas.
Tiwala naman ako sa gawa kong 'to pero hindi ko pa rin maalis sa isip ko na magdasal na sana ay hindi magkaroon ng anumang aberya. Wala akong ibang nasa isip ngayon kundi ang marating ang kinaroroonan ng Weigand nang sa ganu'n ay mahanap na nga namin si Keitlyn. Malakas ang ku
