“Alam ni lola ang pinag-usapan ninyo?” tanong ko habang naglalakad kami ni Gani papunta sa palengke. Si Adriel ulit ang naiwan sa bahay ngunit isinarado ko iyon dahil nasa loob siya ng kuwarto. Baka may ibang taong pumasok sa bahay ni lola kung hindi ko isasara iyon.
Lumingon ako kay Gani at nakita kong umiling siya bago nagsalita, “hindi alam ni lola Nita. Nagpasama kasi si Joriz na bumili ng pagkain sa tindahan sa labas ng palengke, tapos ayon. Doon niya ako kinausap.”
“Tapos? Tumakbo siya paalis noong sinabi mong hindi mo siya crush?” tanong ko pa.
Tumango si Gani. “Oo, gano’n na nga.”
“Nakita ba siya ni Lola na umuwi?”
Tumango ulit ang kaibigan ko, sinabi niya rin na dumaan si Joriz sa palengke nang tinakbuhan niya si Gani. Hindi na nga raw nakuha ng pinsan ko iyong binili niya sa
