“Mama, binigyan po ako ng scholarship ni Tito Isaac!”
“Isaac? Sino ‘yon?”
“Iyong Daddy po ni Gani!”
Tahimik lamang ako sa gilid ng sofa habang pinakikinggan sina Joriz at tita Marivic na masayang nag-uusap. Kahahatid lang sa amin nila Gani at medyo madilim na nang umalis kami sa bahay nila.
Ang masasabi ko lang sa bahay nila Gani, sobrang ganda noon. Sobrang laki. Iyon ang pinakamagandang bahay roon sa Eternity Village. Sa kanila rin yata ang pinakamalaki. Tinignan ko kasi lahat ng mga bahay roon noong dumaan ulit ang kotseng sinasakyan namin sa mga bahay. Hindi ko pa nakikita iyong mga bahay na lagpas na sa bahay nila Gani ngunit naniniwala ako na ang bahay ng kaibigan ko ang pinakamalaking bahay roon.
Nang makauwi kami, kinuwento kaagad ni Joriz ang magandang nangyari sa kaniya nga
