10. #ThirstForYourBlood
“Ahhhhhh!” sigaw ni Tasya. Labis siyang nagulat at natakot kay Joven. Nakakapanindig balahibo talaga ang mga pangil nito. Ang gilid ng mga mata nito ay namumula. Sakto ang pagtama ng liwanag ng buwan sa mukha nito kaya kitang-kita ni Tasya ang itsura ng lalaki.
“Joven!” tinulak ni Jelan ng buong lakas ang bagong gising na bampira ngunit hindi man lang ito natinag. Tila punung-puno ito ng lakas.
“Nauuhaw ako! Gusto ko ng dugo!” Tila asong nauulol si Joven. Hinahawakan niya ang kanyang tiyan pagkatapos ay ang kanyang ulo. Parang labis ang sakit ng mga iyon. Sumisigaw siya sa sakit na nararamdaman. “Umalis na kayo! Ilayo mo si Tasya!”
Napakapit si Tasya kay Jelan. Hindi na niya maipaliwanag ang takot na nararamdaman habang pinagmamasdan ang naghihirap n
