11. #Alliance
“Tasya patawarin mo ako. Tuluyan ng bumalik ang lakas ko. Patawarin mo ako! Pero pwede mo pang subukang tumakbo baka sakaling makaligtas ka pa mula sa akin!” muling nagngangalit ang bampirang si Joven. Bumalik na ang lakas nito at ang muling puntirya ay ang sariwang dugo ni Tasya. Nauuhaw ito at kailangan ang kanyang dugo upang tuluyang maging bampira. Ang pangil nito ay handang kumagat sa kanyang leeg. Nananatili pa rin itong nakahandusay sa lupa habang pinipigilan ang sariling saktan siya.
“Hindi mo na ba talaga kayang magpigil pa? Hintayin pa natin ng sandali si Jelan oh.” Pakiusap niya habang unti-unting umaatras palayo rito. Nangangatog na ang kanyang tuhod. May tiwala siya sa Exist na magbabalik ito ng sakto sa oras at maliligtas siya ngunit sa sinasabi ngayon n
