Lalong tumindi ang galit na nararamdaman ni Jacob dahil sa pangyayaring iyon. Kaya naman ay halos ibangga niya na ang kotseng sinasakyan para mawala na ang paghihirap ng kanyang kalooban. Pakiramdam niya ay unti-unti nang naglalaho ang sampung taon nilang pinagsamahan ng asawa.
"Talagang pinaalis ka niya?" natatawang usal ni Concepcion kay Jacob. Sa kaibigan kasi siya dumiretso matapos niyang umalis ng bahay. Wala rin naman kasi siyang mapupuntahan. Hindi naman siya pwedeng makisilong sa pinsan niyang si Nica dahil baka mapatay lamang siya noon kapag nalaman ang sitwasyon nila ng asawa.
"Ano pa nga ba?" tiim-bangang niyang sagot na bakas pa rin sa mga mata ang galit.
"Alam mo, nagtataka rin ako kay Abby. Bakit hindi ka man lang niya sinumbatan sa mga nalaman niya? Wala ba siyang pakial
