Napuno ng tensyon ang kabuuan ng bahay nina Abby at Jacob dahil sa mga salitang binitawan nila sa isa't-isa. Kapwa rin silang natahimik na bakas sa mga mata ang paghihintay sa muling pagkabasag ng katahimikan. At bawat pangungusap sa mga tingin ay lalong nagbibigay sa kanila ng matinding sakit.
"Bakit hindi mo ako sumbatan, Abby?" bulong ni Jacob sa sarili habang binasa ang kakaibang galit sa mga mata ni Abby. Alam niyang lubos na ang pagkadurog ng asawa ngunit wala siyang salita na marinig rito. Gusto niyang sumabog ang asawa sa labis na pagkamuhi sa kanya para kahit papaano ay mabawasan rin ang sakit na nararamdaman niya.
Ngunit lumipas na ang ilang minutong pagbabasahan ng titig ay wala pa rin siyang naririnig sa asawa. Kaya naman ay labis-labis na rin ang sakit na pumapaloob sa kanya
