Mula sa airport ay isang puting van ang sumundo sa kanila ni Macey. Dalawang unipormadong lalaki ang nagbuhat ng mga gamit nila. Isa ang walang kangiti-ngiting naupo sa tabi ng driver habang ang isa naman ay pumuwesto sa likuran. Tahimik lang ang dalawa. Tanging si Macey lang at ang driver ang nagpapalitan ng usapan. Hindi niya naman masakyan ang usapan ng mga ito kaya minabuti niyang ituon sa labas ng bintana ang paningin.
Nakakapanibago sa pakiramdam na muling umapak ng maynila. Mahigit dalawang taon lang naman ang lumipas pero mukhang napakatagal an sa pakiramdam niya.
“Okay ka lang?”
Nilingon niya si Macey at nginitian. “Oo naman.” Muli niyang ibinalik sa labas ng sasakyan an g paningin pagkatapos.
Ilang minuto rin ang itinagal ng biyahe nila. Hindi na niya alam kung saang parte n
