"You’re late!”
Ang dumadagundong na boses ni Luis ang sumalubong sa kanila pagkabukas pa lang ng pinto. Sa tindi ng pagkagulat, nabitiwan niya kaagad ang kamay ni Baxter. Doon kasi nakatutok si Luis. Pakiwari niya, krimen ang paghawak sa kamay nito. Unang araw pa lang pero ramdam na kaagad niya ang intensidad ng training na pagdadaanan ni Baxter.
“Relax, I’m here.”
Hindi kinagat ni Luis ang biro ni Baxter. “We’re weeks behind schedule. Hindi lang doble kundi triple pa ang effort na kailangan mong ibigay.”
“Dapat, mas maaga ka pa bukas,” sabat ni Lindell na sinenyasan si Baxter na lumapit sa timbangan.
May atubiling ngiti si Baxter nang lumingon sa kanya. “Magsisimula na ako. Will you be okay kung sa opisina ko muna ikaw mananatili?”
“Dito lang ako.”
Itinuro niya ang isang upuan s
