الذكريات

17

وتاني يوم الصبح سوربي بتفيق و بتكون حاضنة بنتها و بتبكي : انا ماراح اسمح لحدا بيؤخذك مني انتي بتكوني بنتي ، ما راح تبعدي عني . و بتفيق ألينا

ألينا : ماما شو عم يصير معك ليش تبكي

سوربي : ولا اشي حبيبتي

ألينا : متأكدة حبيبتي

سوربي : انا مع بنتي شو بدي احسن من هيك

ألينا : انا كتير بحبك ماما

سوربي : وانا كمان حبيبتي

ألينا : ماما بدي احكيلك شغلة

سوربي : احكي بنتي

ألينا : مبارح انا كنت كتير مبسوطة مع عمو كاران ، ياريت دايما نكون مع بعض

سوربي تتذكر كيف طردت كاران من البيت

سوربي : عنجد حبيبتي

ألينا : ايه ماما

سوربي : طيب شو رايك اليوم نعزمه ع العشا

ألينا : اوكيه ماما بدنا نروح المطعم تبعنا

سوربي : اوكيه بنتي راح احكي معه ، هلا يلا جهزي حالك علشان اوصلك الأكاديمية

ألينا : اوكيه ماما ، انا بحبك

سوربي تبوسها : وانا بحبك بنتي

بتجهز الفطور و بيفطروا و بيروحوا ع أكاديمية وسوربي تقرر تروح عند كاران و تعتذر منه ، بينكي بتفطر مع ناكول متل العادة و تعطيه علبة صغيرة

ناكول : ايش هاي ماما

بينكي : هذا خاتم مورؤث من عيلتنا وبدي منك تعطيه لكنتي

ناكول : بس يا ماما لسى ما قررت

بينكي : ليش ما قررت شو صار معك ، يلا أتزوج وعيش حياتك و راح تنبسط مع كنتي وانسى #الماضي و #ذكرياته

ناكول : ما في وحدة تنسيني #ذكريات_الماضي

بينكي : انت بس جرب وشوف

ناكول : معك حق ماما لازم اعيش حياتي اذا ما في وحدة تنسيني الماضي انا بنساه " ويتذكر سوربي مع كاران " صدقيني يا ماما راح تسمعي الأخبار الحلوة اليوم

بينكي : وانا عم أنتظرك بفارغ الصبر

كاران بمكتبه و يطق الباب

كاران : تفضل ...انتي

جانكي : ايه انا

كاران : تفضلي كيف فيني اساعدك

جانكي بتقعد : اكيد راح تساعدني

كاران : عم أسمعك

جانكي : زوجتك

كاران : زوجتي ؟؟؟ انا مش متزوج

جانكي تنصدم : شو

كاران : عن مين تحكي

جانكي : انت مش متزوج سوربي

كاران : لا

جانكي : انا اجيت علشان تساعدني ، وآخر اشي طلعت من متزوجها

كاران : هي بس رفيقتي ، ليش كيف بقدر اساعدك

جانكي : حبيبي ناكول بيحبها وبدي ابعدها عنه

كاران : لاسف ما فيني اساعدك " معقول سوربي بتحب ناكول لهيك مش راضية تتزوجني "

جانكي : فكرتك بتحبها

كاران:ايه بحبها...بس رفيقة

جانكي : بس فينا ونتساعد مو هيك....

بتدخل سوربي ع العدلية و تروح ع مكتب كاران ، وتفتح الباب و تتفاجأ

سوربي : شو عم يصير هون

كاران : ولا اشي بس بدي ارحل من هون علشان هيك عم اجهز اغراضي

سوربي : لو سمحت لا تروح كاران انا عنجد كتير بعتذر

كاران : انا ما فيني ابقى هون

سوربي : لو سمحت كرمال رفيقتك ، هو لما الموضوع بيخص ألينا ما بعرف شو يصير فيني بتوتر وبحكي اي اشي

كاران : سوربي انا ...

سوربي : كاران.... لو سمحت لا تتركني و تروح انت بتكون رفيقي الوحيد

كاران : اوكيه مش رايح مبسوطة

سوربي : شكرا الك كتير ، انا هلا بدي اروح ع الشغل

كاران : اوكيه بتوفيق

سوربي : ع فكرة عازمك ع العشا

كاران : ماشي ما فيني ارفض ، بس بشرط

سوربي : شو هو

كاران : انا بأخذ ألينا من أكاديمية

سوربي : اوكيه بشوفك

كاران " اذا ما تكوني إلي ما راح تكوني لغيري بس استني و شوفي شو راح يصير معك سوربي تشاندا "

وتطلع سوربي وتروح ع الشركة

بيوصل ناكول متأخر ع الشركة وبيروح ع مكتب سوربي ويسئل عنها

رايما : صباح النور استاذ لسى مدام سوربي ما وصلت

ناكول : لما بتوصل ابعتيلي خبر

رايما : اوكيه استاذ

ناكول يعصب و بيروح ع مكتبه ويسكر الباب بقوة : مين مفكرة حالها ما بتجي ع الشركة و كل شي صار بسببها

بتوصل سوربي ع الشركة و تروح ع مكتبها و تسكر الباب وفجأة بيفتح الباب بقوة ويسكره وتلتفت سوربي : هذا انت

ناكول يكون معصب ويمسكها من ذراعها و يوصلها ع الحيط

سوربي : شو مفكر حالك تعمل

ناكول : وانتي مين مفكرة حالك تتحدي ناكول اوبيروي

سوربي : انا شو عملت ...بعد عني عم توجعني

ناكول : كل يلي عملتيه والك عين تسألي

سوربي : لسة ما وصلت لحتى تتخانق

ناكول : ليش متأخرة ع شغل

سوربي : كنت بالعدلية مع كاران

ناكول يعصب بزيادة : تاركة شغلك ورايحة تشربي قهوة مع زوجك مو هيك

سوربي تدفش ناكول بعيد عنها : خلص لهون بيكفي كل يوم خناقات و عصبية انا زهقت منك شو بدك مني

ناكول : شو مفكرة بعد كل يلي عملتيه بتركك وتروحي

سوربي تعصب: لك انا شو عملت ما صرلي اقل من شهر هون

ناكول : انتي بأقل من شهر دمرتي عيلة اوبيروي

سوربي : انا مشيت ع الأدلة يلي لقيتها

ناكول يعصب : كل السنين ابحث عن دليل فجأة بتطلعي انتي و تلاقي الدليل شو مفكرة انه انا راح اصدقك

سوربي : اذا بتصدقك والا لا هذا الاشي ما يعنيني

ناكول : شو حكيتي .، ويمسك ايدها ويلفها ورا ظهرها ، هذا ما يعنيكي

سوربي : ايه ما يعنيني لأني بكرهك وبكره كل شي يخصك و يخص عيلتك

ناكول : وانا بكرهك كمان و ما بطيق اشوف وجهك

سوربي : طيب ليش شغلتني معك هون

سوربي تتوجع كتير : بعد عني كل شي صار بحياتي بسببك و بسبب عيلتك ، وتدفش ناكول

ناكول : شو حكيتي

سوربي : متل ما اسمعت ، اطلع برا عندي شغل ناكول : ما بدي اطلع شو قصدك بالحكي يلي تحكيه

سوربي تعصب كتير: بدك تعرف حقيقة عيلتك يلي مخبينها عنك

ناكول : انا ما عم افهم عليكي شو تحكي

سوربي بتمسك الملفات ع الطاولة وترميها ع الارض وتبكي : بسبب عيلتك خسرت ابي وامي وعيلتي وكل شي حلو بحياتي حرمتوني من السعادة و انت جاي تكمل علي وخربت كل شي حلو بحياتي

ناكول : سوربي شو قصدك ..

سوربي : شريك فيكرام تشاندا بيكون ابي

ناكول ينصدم : شو يلي كان شريك مع أبي

سوربي : مو بس هيك أبوك هو يلي قتله

ناكول : أبي مستحيل يعمل هيك اشي

سوربي : مو مصدق كمان ، امك مدام بينكي اوبيروي هي بنفسها بعتتني ع الميتم

ناكول ينصدم ويتراجع للخلف : كيف بيصير هيك

سوربي : انت بس زعلان لاني بعتت أبوك ع سجن ، طيب شو احكي عن حالي ، وتوقع سوربي منهارة ع الارض و تبكي ، انا انحرمت من اهلي و بيتي وكل شي ، حتى انت حرمتني من وظيفتي يلي بحبها ، وتصير تبكي كتير .

وناكول مصدوم من حكيها. .....