الذكريات

الثالث

تطلع سوربي من الشركة بسرعة و تروح ع أكاديمية ألينا

ألينا : ليش تأخرتي ماما

سوربي : اذا التقيت بوحش اكيد راح أتأخر

ألينا : شو ماما

سوربي : تعكر مزاجي كله بسببه

ألينا : شو في ماما

سوربي : بعدين بخبرك يلا تعالي نروح ع البيت اشتريت الك بيتزا

ألينا : ياميي اممممم

بيروحوا ع البيت و يكون رودرا ببيتهم يحاول يقنع أبوه يخبره عن سبب يلي بده ينفصلوا عن ممتلكات اوبيروي

رودرا : انا دايما بسئلك و ما بترد علي بابا ليش دوشيانت : ابني بكرا راح تعرف كل شي

رودرا : انا بدي اعرف منك مو من الناس

دوشيانت : ليش لحتى تخبر كل شي لناكول

رودرا : ناكول بيكون اخي و من حقه يعرف كل شي

دوشيانت : كل علاقة بالعالم الها حدود أفهم الشي

رودرا : انا ما بدي افهم ، بس احكيلي

دوشيانت : يلي بدي احكيه الك ، عينت محامية كتير شاطرة و راح تدمر عائلة اوبيروي

رودرا ينصدم : يعني انت بدك دمار عيليتنا

دوشيانت : شاكتي هو يلي وصلني لعند هاي النقطة

رودرا ينصدم و يطلع من البيت ، ويرن ع ناكول و ما بيرد و يروح لعنده ع الشركة، تكون جانكي بغرفتها تعبانة و قلقانة وترن ع بافيا

بافيا : اهلين

جانكي : بدي منك خدمة

بافيا : تفضلي

جانكي : بدي تجيبي إلي أخبار من رودرا

بافيا : حكيتلك شو صار اليوم

جانكي : بس بدي السبب

بافيا : انا متاكد هو راح يرن علي

جانكي : وإذا ما رن

بافيا : انا برن عليه ، كوني مرتاحة

جانكي : اوكيه ، يلا سلام

بيوصل رودرا ع الشركة

رودرا : رايما وينه ناكول

رايما : طلع من شي ساعتين

رودرا : كيف كان وضعه

رايما : بعد ما اجت المحامية كان معصب كتير و طلع من الشركة

رودرا : هو معصب حتى ما بيرد ع مكالماتي، طيب انا بالمكتب بدي منك تجيبي معلومات عند المحامية

رايما : كيف

رودرا : وإلا بحكيلك بلاها انا بعرف اتصرف، انا راح اكون بالمكتب

رايما : اوكيه استاذ

في قصر اوبيروي ناكول يكون معصب و يفوت ع غرفة أبوه بسرعة

شاكتي : ليش هيك تفوت من دون طق الباب

ناكول : بابا انا بدي اسئلك سؤال ياريت تجاوبني شو يا يلي مخبيه عني

شاكتي : حكتلك كل شي بوقته حلو

ناكول : يعني راح اعرف بالمحكمة

شاكتي : شو قصدك ابني

ناكول : عمي رفع دعوة ضدنا

شاكتي : كيف يعمل هيك دوشيانت ، مين المحامي مستلم القضية

ناكول : وحدة اسمها سوربي تشاندا

شاكتي ينصدم : شو سوربي تشاندا

ناكول : ليش بتعرفلها هي جديدة هون

شاكتي : لا يا ابني

ناكول : طيب ليش ما تخبرني بسر

شاكتي : هلا صار الوقت يلي اخبرك فيه ..

بيجي وقت المسا بيكون رودرا يتعشى لحاله بالبيت و يطق الباب و تكون بافيا

رودرا : تفضلي

بافيا : شو وينو عمي ما بيتعشى معك

رودرا : تخانقت معه هلا و طلع

بافيا : ليش شو صار يا رفيقي

رودرا : صار معي كتير شغلات

بافيا : شو هي

رودرا :بتعرفي اني بعتبرك رفيقتي المقربة و لهيك دايما اخبرك شو يصير معي

بافيا : طيب احكي شو صار مع رفيقي

رودرا : تفضلي تعشي معي وراح احكيلك وانا بتعشى

بيقعدوا ع طاولة العشا و يتعشوا و بيحكوا

سوربي و ألينا بالغرفة القعدة عم ياكلو بيتزا و كولا و يحضروا فيلم كوميدي و يكونوا كتير مبسوطات

ألينا : شكرا الك ماما كتير زاكية البيتزا

سوربي : صحتين حبيبتي

ألينا : هاي لحظات ذكرتني بعمو اوم

سوربي : ايه صح انا كان يعمل مقالب

ألينا : انا كتير اشتقتلهم

سوربي : وانا كمان حبيبتي كتير مفتقدهم

ألينا : ياريت يسافروا لعنا

سوربي : مستحيل يعملها اوم

ألينا : وإذا عملها

سوربي : راح نرجع معه ع كندا

ألينا : واو ما حكتيلي مين الوحش يلي كنتي تحكي عنه

سوربي : للاسف راح اشتغل معه

ألينا : طيب احكيلي عنه ماما

سوربي: هلا بحكيلك، الوحش هو واحد رافع رأسه لفوق و متكبر و عيونه زرق

ألينا : يعني ماما حلو

سوربي : يعني حلو بس متكبر و عصبي و مغرور و قصير كمان

ألينا : اهم اشي حلو مو هيك

سوربي : يمكن ... شو قصدك يا ألينا

ألينا : ولا اشي ماما ... وتصير تضحك

تحضنها سوربي و تصير تكركر فيها

ألينا : خلص ماما بطني كتير يوجعني

سوربي : علشان ما تلمحي ع الموضوع مرة تانية

ألينا : بترجاكي ماما تعبت

سوربي : اوكيه ... وتحضنها و تبوسها ، كيف درس الموسيقى اليوم

ألينا : كتير حلو ، حتى اني عزفت ع البيانو

سوربي : يييه كان نفسي اشوفك و انتي بتعزفي

ألينا : بترجاكي ماما تعبت

سوربي : اوكيه ... وتحضنها و تبوسها ، كيف درس الموسيقى اليوم

ألينا : كتير حلو ، حتى اني عزفت ع البيانو

سوربي : يييه كان نفسي اشوفك و انتي بتعزفي

ألينا : اكيد راح يكون مسابقات و راح تشوفيني

سوربي :اكيد حبيبتي

ألينا : ماما حتى راح أتعلم البيانو

سوربي : واو كتير حلو بنتي

بافيا : مش معقول شو راح يصير بممتلكات اوبيروي هيك

رودرا : ما بعرف

بافيا : طيب شو هو السر يلي تحكي عنه

رودرا : ما بعرف

بافيا : طيب شو راح يصير بعدين

رودرا : انتي صرعتي راسي بالأسئلة

بافيا تمسك ايد رودرا : انا اسفة بس مصدومة

رودار : وانا متلك مصدوم ما بعرف شو اعمل

بافيا : يعني برأيك المحامية تقدر تطلع شي دليل

رودرا : اكيد لا ، كل هالسنين مستحيل تلاقي شي دليل يدين عائلة اوبيروي

بافيا : ليش

رودرا : لأنه بحثنا انا و ناكول و ما لقينا اشي كيف هي راح تلاقي

بافيا : يمكن ...." شو راح يصير بجانكي إذا عرفت ، اكيد راح تترك ناكول و تدور ع غيره"

ناكول : انا كنت بعرف انه مستحيل عائلتي تغلط

شاكتي : ايه ابني انا حكيتلك يلي صار ، لهيك انا مش خايف من اشي

ناكول : وانا هلا واثق أنه محامية ما بتلاقي اشي

شاكتي : وإذا لقت اشي تكون أدلة مزورة من تأليفها لحتى ت**ب القضية و الشهرة

ناكول : يمكن معك حق " البنت يلي تخدع ناس ع اساس أنها شرطية مرور ، بإمكانها تعمل أي اشي"

شاكتي : يلا تعال نتعشا تكون أمك ناطرتنا

ناكول : ايه يلا ، بيطلعوا من الغرفة ، يكون شاكتي يحكي مع حاله " انا اسف يا ابني كذبت عليك بس مضطر اعمل هيك كرمالك ، كرمال ما ترجع ع الحالة يلي كنت عليها قبل 5 سنين ، ما كنت بعرف انه الماضي بيرجع مع ذكرياته ، لازم اشوف بكرا المحامية "

يوم من أيام تكون سوربي بالمكتب و معها كاران يشتغلوا ع القضية و يدورا ع رأس خيط يدلهم ع ماضي عائلة اوبيروي ، وفجأة يلاقي كاران اسم موظف كان بيشتغل بالمشفى تابع لعائلة اوبيروي انحرق قبل 20 سنة

كاران : وأخيرا بعد هالمعاناة لقينا اشي

سوربي : ايه معك حق طولنا كتير و احنا نشتغل ع هاي القضية

كاران : هو الموظف الوحيد يلي لقاناه بيشتغل بالمشفى

سوربي : انا ما بعرف وين راحوا كل الموظفين كل سجلاتهم ممحية

كاران : يمكن ماتوا بحريق المشفى

سوربي : لا تنسى انه بسجلات المشفى كان المشفى فاضي ، واكيد ما ماتوا هيك

كاران : ليش مو ممكن يكون مغيرين هوياتهم

سوربي تتفاجأ : معك حق يمككن عاملين هيك كاران : حتى هذا الموظف داخل ع مشفى المجانين من قبل 19 سنة

سوربي : شكلو هم دخلوا

كاران : و يمكن ما قدروا يخلصوا عليه

سوربي : او ما بدهم يخلصو عليه

كاران : شو راح تعملي هلا

سوربي : لازم نجيب منه معلومات بإي ثمن

كاران : انتي اشتغلي ع هذا الموضوع ، وانا بشتغل ع تقسيم الشركات بينهم

سوربي : ايه هيك منيح ، شكرا الك كتير كاران لانك بتساعدني

كاران : العفو ، بدي اخذ كم ملف و اروح ع مكتبي

سوربي : اوكيه ، بدي اسئلك متى المحكمة

كاران : بعد يومين

سوربي : لازم نكثف جهودنا

كاران : لا تخافي ، هاي بتكون اول قضية الك و راح تربحيها

سوربي : اكيد بمساعدتك

كاران بيروح ع مكتبه و سوربي تحاول تجمع معلومات عن حريق المشفى ...